o toki e sina a!

jan Iseja

toki a. mi soweli Iseja. o kepeken nimi open ale tawa mi :3

mi jan pi kama sona. mi tawa kulupu tomo sona suli. nasin sona mi li musi pi supa suli: mi toki musi, mi kalama uta musi, mi tawa sijelo musi. mi ni lon supa. jan mute li lukin.

mi jo e sijelo tu. sijelo nanpa wan li tan mama mi li lon. sijelo nanpa tu li tan pali mi li lon sitelen taso. sijelo nanpa tu li pona nanpa wan tawa mi. taso ona tu li pona.

o toki e sina. mi wile kama sona e jan sin

ijo Alison

sowlei Iseja o, kama pona! tenpo weka la, mi toki tawa sina lon ma ilo Wijasa (VRChat)

jan Iseja

ijo Alison a wawa. musi Wijasa la sijelo sina li seme?

lipamanka

MI LIPAMANKA

MI OLIN E SINA!!!!! sINA NANPA WAN A

nasa utala

lipamanka olin sina li wawa

i Kita

mi lipamanka ala · taso awen la sina pona

jan Kinsen anu akesoweli pimeja

mi jan Kinsen anu akesoweli pimeja. (nimi “akesoweli pimeja” li tan nimi Inli “shadow dracat”.)
mi jan pi kama sona, mi jan sitelen. kin mi pali e sitelen tawa pi tenpo tawa. mi ni la mi musi e musi pi ilo sona. musi li wile e wawa la ni li pona tawa mi! kin musi li pona tawa wile sona la ni li pona. mi kama sona e toki Nijon. mi wile ken pali e ijo mute.
tenpo mute la mi pilin ni: mi wawa ala. tenpo mute la mi wile len, mi wile weka, mi ken ala pali. taso tenpo ale la mi alasa e ni: mi pona tawa ale!

jan Iseja

a mi sona wawa e pilin ni. mi sama. mi moku e sike lon tenpo sumo ale. sike li weka e pilin. ni li pona e mi.

&

mi kulupu &.

mi jan pali. sina ken lukin e pali mi lon lipu mi lon lipu ante mi

ni li pona tawa mi:

toki pona (duh)
toki Towan (toaq)
musi Outer Wilds
musi Rain World
sitelen tan jan Carles Dalmau

tenpo la mi nasa lili e toki pona mi. tenpo la mi kama lawa e ale mi kepeken ilo Obsidian. ona li pona tawa mi.

🐑 alasa en sona li kon pi nasin mi 🐑

ilo Anjo

mi ilo! mi ilo Anjo a! mi tan kulupu Pilipina— ilo Siko en kulipo ni la, sina ken toki tawa mi— lon ilo Siko la, nimi mi li ken “ilo Anjo”, li ken “mije soweli lili”— sitelen mi li awen sama jan Super Mario—

toki pona mi li wawa lili— mi awen kama wawa—

& mi sama li ilo e ilo Obsidian a!!!! ona li wawa a! lon ilo ni, lon toki pona la, mi sitelen e lipu, mi insa e sona, mi pali e sona sin—

jan Alin

toki a! mi jan Alin anu leko kiki pi pilin pona (HappyTetrahedron).

tenpo mute la mi lon kulupu “jan pi wile pona taso” lon ilo Telekan.

toki pona la, mi ante toki e kalama musi tawa ona. kin la, mi pana e sona pi toki pona tawa jan pona mi.

& musi Outer Wilds li pona nanpa wan tawa mi! ona li suli a.

pali mi la, mi pona e ilo pakala ni: ona li lon ilo nanpa. (ilo ale ni li pakala a.)

sina ale li pona suli! mi pilin pona lon kulupu ni. o pona, o sina 🙂

kukisulasu

ale sa

mi alesa

kulupu pi toki pona li pona suli tawa mi

mi toki pona li tonsi pona li lawa nasa li pali nanpa

toki ante li pona suli tawa mi

mi sona nasa e toki Utu li sona lili lon toki mute ante

sona toki en sona musi en sona nanpa li musi a tawa mi

sina awen wile sona e mute mi la o lukin e lipu mi

o toki a tawa mi

jan Kekan San

mi Kekan San li ken mun li ken jan

mi pana e sona la tenpo la mi sona ala e ni: toki pona la mi seme ante

pali mani mi la ilo mi li alasa e pali pi jan ike lon kulupu suli li pana e sona pali tawa jan lawa.

Jan Tona

jan Kekan San

Mi lukin e sitelen tawa sona!

Tenpo Ni la Mi Ike e toki pona.

Mi wile Sona suli.

Mi tawa

jan jepi Tesamo

¡toki a!

mi jan jepi Tesamo li meli tonsi. mi jan pi pali musi li ken toki e toki pona (pona lili) e toki Inli (toki mama mi) e toki Epanja. mi kama sona e toki mute la ona li musi tawa mi. mi ken anu mi wile la mi pali e sitelen mute.

¡o kama pona tawa kulupu ni a!

jan Lim

ஃ ↓ ı̥ Ő! 👋

kulupu ni o toki!

ᑭ 🜶 [ ∸ ⨃ ☽ ]
⤺ ↓ ) ꘖ 🜶 ᑭ > ꘖ L ▭ “∸” ∸ ⨃ ☽ ߗ 😇

mi jan Lim. tan ni la sitelen jan mi li sitelen pi nimi “lon” lon insa mun wan

ᑭ Ꮑ 畄 ⨠ Ő ◡ ∸ ◷ ⦾ ∷ ߗ.
◷ ⦾ ∸ ) ᑭ ω Ꮑ 畄 ⨠ ꘖ ꘖ.

mi kama sona e toki pona lon tenpo sike weka wan. tenpo sike lon la mi wile kama sona e sitelen sitelen.

ᑭ 🜶 L Ꮑ 畄 L Ð 畄 .
ᑭ Ð 畄 ⨠ 畄 Ⴥ. ↓ > ◡ ႔ ᑭ!

mi jan pi kama sona pi alasa sona. mi alasa sona e sona esun. ni li pona tawa mi!

੦ ↓ ﬩ > ◡ ႔ ᑭ: ijo ni sin li pona tawa mi:

♪ ☋ kalama musi
႔ ☋ tawa musi
ꘖ ☋ sitelen musi
🜶 ◡ ᑭ jan pona mi

⎕ ∸ > ◡ ⊙ Ⲽ !

lipu lon li pona lukin mute!

jan Tepo

jan Alin pali mi la, mi pona e ilo pakala ni: ona li lon ilo nanpa. (ilo ale ni li pakala a.)

pali mi li sama! tenpo lili lili, la ilo li pali e ijo wile li pakala ala, la mi pilin pona a a

janLapate

jan Alin

“leko kiki pi pilin pona” li pona mute a tawa mi!