a mi kepeken tenpo mute, taso mi pini lukin e ona!! mi wile toki e mute
tenpo pini la mi wile pali e sama. taso mi toki e ni: nanpa mute li lon. nimi nasa mute li lon. (sama ni: mi ante e nimi Hardness e nimi Toughness kepeken nasin seme?! ona li sama a!!!) kin la sike toki li lili a!! (mi ken kepeken sitelen pona. taso pali ni li suli!) ike mute li lon la mi pilin e ni: mi ken ala pali
taso sina pali e ona!! ni li pona mute mute a. nimi kiwen ale lon sitelen pona li suwi mute a! tawa mi la ijo suwi nanpa wan li kule!! kule lon linja lon nimi li musi a!
ijo musi: kiwen Posu li kipisi la kiwen li lon poka ona. tenpo ale la mi pilin e ni: ni li kiwen Pelito. taso sina la ona li kiwen Penito. (a a nimi pi sama mute) mi sona ala e lon, taso ante li musi! mi pilin e kiwen Pelito tan ni: linja ona li sike lili. sitelen tawa la kiwen Penito li lon, taso kiwen Jeto en kiwen Jukesu li lon poka pi kiwen Posu. sona li pali suli
mi toki mute la mi wile lape. sina wile la o pali e mute! sina ni la mi lukin e ona ale! ni li pona mute a tawa mi!
