mi wile soweli (sama ala pilin sina) · o pana mi e sona

i Kita

· mi toki e (sama ala pilin sina) tan ni → mi toki e wile soweli mi la ijo mute li sona ike e ona · ona li toki e ni → “sina wile soweli la sina soweli a” · taso sona mi la toki ona li tan ni → ijo mute li wile e sijelo soweli tan ni → kon ona anu lawa ona anu pilin ona li soweli ← mi ni ala · mi wile e pilin soweli a · (mi wile wile soweli anu seme) ·
· mi wile soweli tan ni → soweli mute li toki e pona soweli e ni → “o soweli” · mi wile pilin e pona ni · wile li open lon tenpo weka a · sike tu wan anu seme ·
· ijo ante li toki · “sina wile soweli la o soweli” · taso mi sona ala a e nasin li toki tan wile sona · ni li sama sitelen musi ni → “nasin pi sitelen waso · nanpa wan la o sitelen e sike tu · nanpa tu la o sitelen e ale waso” · taso soweli la ijo li pana ala e ni nanpa wan la musi a li anpa e ona ·

· mi alasa kama e ijo wile kepeken nasin ni ↓
· mi toki sama soweli la ken la soweli li kama lon insa mi · taso mi wile ala ni kalama tan lon pi jan poka · kin mi sona ala ni sitelen li ni lili a taso ·
· mi soweli e sitelen sinpin ilo mi · taso ni li kama e ala lon mi · kin tenpo wan la sitelen mi li poni la jan li toki e “sina poni” la mi kama toki e “mi poni ala” li ante e sitelen · n ·
· jan li toki nasa tawa jan ante li lape e ona li ante e ijo lawa ona · mi alasa kepeken ni kepeken lipu kalama ← ni li kama e ijo lili e pilin soweli ala · mi wile ala ni kepeken jan a tan mute mani tan ni → kalama li ken ala soweli e mi la lawa mi li ike tawa nasin ni la jan kin li ken ala ·

· ni li ken ike ↓
· mi pilin ala e ijo mute · mi ken pilin monsuta · taso pilin pona en pilin ike en pilin ante li wawa ala lon lawa mi · pilin pi kule kon li sama ← ni li ike tan ni → soweli li sama tonsi li sama meli li sama mije la mi ken ala ni mute la mi ken ala soweli kin anu seme ·
· tenpo la lawa mi li wile ala ijo li kama ken ala ni · mi sona ala e tan li sona ala pona e ni ·
· ken la lon la mi wile ala soweli · o lukin e ijo poni pini ↑ taso sona mi la mi wile a · seme mi li wile ala ·

· mi toki [Inli] mute e ijo soweli lon lipu ante mi · sina sona e ijo la o toki tawa mi kepeken toki [pona] kepeken toki [Inli] kepeken toki [Posuka] kepeken toki ale a · mi wile a e sona ·

jan Alin

nn… mi pilin e ni:

ken la, sina pilin ni: sina soweli la, pilin soweli wawa li kama.

ken la, sina wile e pilin wawa ni. sina pilin ala pilin e ni?

pilin mi la, sina alasa e pilin wawa pona (ona li ken soweli li ken ante).

sina pilin ala pilin e ni? -> sina ike lon tenpo ni. sina wile ante e sina. sina alasa e pilin wawa pona.

pilin pona li ken tan ijo mute. sina alasa e ona lon nasin soweli. tan ni: soweli mute li toki e pilin wawa ni tawa sina. ken la, sina o alasa e pona lon nasin ante. o alasa e nasin sina.

ni li pali suli. mi ken toki e ni: o sina. taso, sina o sina kepeken nasin seme?

lon la, mi sona ala e ni. nasin pi jan ale li ante. kin la, jan mute li sona ala e nasin ona li alasa e ni. ni li pali suli.

taso, mi pilin e ni: sina pali pona. sina alasa soweli la, sina kama sona e sina. tenpo kama la, sina alasa ante la, sina kama sona sin e sina. ni li nasin pona. sina ike ala. sina pona mute! jan mute li sona ala e nasin ona e pilin wawa pona. ni li ike ala. o pilin ike ala. o awen alasa. 🙂

lon la, mi sona ala e kon sina e lon sina e pilin sina e nasin sina. ken la, toki mi li pakala tawa sina. taso mi wile ala ike e sina. mi wile pana e pona tawa sina. tan ni: sina pona. sina lon. sina suli. sina sina. sina sina la, ni li pona.

i Kita

· jan Alin o · suli la pilin sina li sama lon · taso · mi alasa soweli tan ala ike mi · (ike li lon · taso soweli li pona ala e ona) · mi wile musi pona taso ·
· a taso ni li musi taso tawa mi la alasa mi li wawa tan seme · ken wan la · soweli mute li toki sama ni → · ale li sona e nasin · taso mi sona ala e nasin · la wile mi li lon ala anu seme · mi jan pakala anu seme · · · mi sona ala e lon pi ken ni e suli ona · mi sona e ni → mi wile kama sona sitelen e soweli la pilin li sama · tan kin li ken sama ·

jan Alin

i Kita ni li pona mute: sina alasa soweli tan ala ike sina. mi pilin e ni: sina wile suli kama sona e kon sina. ni li pona mute. mi pilin ala e ni: sina jan pakala. ken la, sina ante tan jan ante. ni li pakala ala.

jan Kinsen anu akesoweli pimeja mi sona lili e pilin tonsi nasa sina! tenpo pini la, mi pilin kin e ni. mi sona ala: mi meli anu tonsi?

lon la, tenpo ni la mi sona e ni: mi meli ala. mi tonsi ala. mi mije ala. mi jo ala e kule. ni li pona suli tawa mi.

mi wile sona e kon mi e lon mi la, ni li ken pali suli. tenpo mute la mi sona ala. tenpo la mi kama sona lili e mi. ni li pona e mi.

jan Kinsen anu akesoweli pimeja

ni li toki wawa

pilin mi la pilin soweli sina li sama lili pilin tonsi mi. mi wile tonsi, taso tonsi mi li lon ala lon la mi sona ala. mi tonsi nasa la mi pilin pona. taso mi lon kepeken nasin meli lon tenpo mute. mi jan lili la mi pilin nasa ala li pilin ike ala tan meli mi. wile mi pi ante sijelo li lon lili, taso mi tonsi lili taso la pilin mi la mi ken ala kama ken ante sijelo tan jan pi sona sijelo. mi toki insa e ni ale la mi pilin ike li pini ala toki insa. ni la mi toki insa e ni: “mi tonsi, mi o pini toki insa”. (sina wile ala sona e ni la mi pakala)

wile sina la… pilin mi la mi sona pona ala e nasin. (mi soweli lon ala. mi soweli sama ni: jan li soweli. kin mi alasa pilin sama soweli la ni li musi mute. jan li toki soweli e mi la ni li pona tawa mi. taso mi pilin wawa e ni: mi jan. mi soweli kin, taso mi jan)

mi ken toki insa e ni taso: sina ken alasa pilin insa e pilin soweli. tenpo wile la sina ken toki insa e ni: “soweli li pilin seme tan ni” li ken kama pilin sama soweli li pali sama soweli. ken la sina ni lon tenpo mute la tenpo mute li tawa la sina ni kepeken ala wawa. mi sona ala

jan Kinsen anu akesoweli pimeja

jan Alin a sona sina li wawa!

i Kita

jan Alin

mi pilin e ni: sina wile suli kama sona e kon sina.

· ni ala · mi sona a e ni → mi soweli ala · kon mi en insa mi en pilin mi en ale mi li soweli ala · mi wile ala alasa e soweli insa li wile pali a e ona · (ni li lon → wile ni li nasa · jan pi mute lili a li wile ni · ni la sona pona mute li lon ala lipu ilo · ni a la mi toki tawa soweli mute mute) ·