waso mu nasin pan sina li pona mute!
pan li sin li seli lili la, ona li pona nanpa wan a!
taso, pan li sin ala la, ona li kama kiwen! ni li ike!
taso, o pilin ike ala: nasin ni li ken pona e pan kiwen sina!
sina wile:
- e telo walo tan soweli mama (mi toki e telo moloko tawa ni)
- e sike waso
- e ko suwi e namako
poki la, o weka e selo tan sike waso. insa sike li wile sama telo! ona li kiwen la, o alasa e sike waso sin.
o pana e telo moloko tawa insa sike. o wan e telo tu ni.
o kipisi e pan kiwen. (ona li kiwen mute la, ni li ken pali suli. o utala!)
o pana e kipisi tawa telo. o awen. kipisi li wile telo mute!
ona li telo la, o seli e poki seli lon supa seli. o pana e telo seli tawa poki. (telo ni li ken seli mute. ona li ken tan kasi.)
o pana e kipisi pan tawa poki seli. o seli e selo ale ona.
o pana e ko suwi e namako suwi.
o moku pona!
